عملية المياه بدندنا

أولا الميه مش نضيفة ساعات ينزل منها حاجات سودة ..أو حاجات خضرا أو الحاجاتان مع بعض.....نضافة ايه وهباب

ايه اللي بيعملوه..........أدي واحدة ...

ثانيا أما الكهربة تقطع المية تقطع علي طول ..؟؟؟ دليل ان الخزان فاضي .....؟؟؟طيب مايتمليش ليه عن طريق

تشغيل الديزل (المولد ) ...؟؟؟؟؟؟؟عارف ليه مابيتمليش .....الاجابة عجيبة وساذجة وتجيب شلل أطفال علي

كبر وحب الشباب في القفا والحمارة تولد نعجة ولاموأخذة ........ايه هي الاجابة يامعلم ؟ أقولك ....

أل ايه بطاريات المولد بايظة وعاوز بطاريات جديدة( ويمكن كمان عاوز شيبسي بالشطة )والكلام ده أنا قولته لرئيس

الوحدة المحلية منذ حوالي سنة ونصف في اجتماع للحزب الوطني ( اللي ماطلعش وطني رغم اني عضو فيه )وفي حضور

د/ سيد الفيومي وطبعا وعدوا بدراسة الامر ...بس الظاهر الدراسة علي طريقة وأخذ يفكر ويفكر وعاد يفكر ويفكر وافتكر

انه كان يفكر فعاد يفكر ويفكر .....وسلملي علي البهوات بتوع المحليات ...بالمناسبة حد عارف أسمائهم ؟؟؟؟؟

ياريت اللي يعرف يتصل علي 0900 واللي هيجاوب صح هياخد بطارية مولد !!!!!!!!!

بالمناسبة نسيت أقولهم جتكوا القرف ......

ياسر محرز

انت عارف ايه بجد اللى يقهر الواحد ويسد نفسه ويخليه يكره نفسه وعيشته .. ان الواحد لما يجى لابسط حقوقه كانسان تبص انك بجد ولا حاجه شويه الميه معفنين كانك بتشرب من ترعه -- الكهربه كل يوم قاطعه بالخمس والست ساعات -- التليفونات الارضيه (ربنا يجعل كلامنا خفيف عليها ) اسبوع وبخ لا وبخ بحرقه دم بعد ما تروح تدفع فاتوره انت مش عارف بتدفعها ليه اصلا
.. المحمول كل الشبكات عندنا هنا زى الزفت بجد عشان تكلم حد لازم تتطلع ع السطح او تركب اريل ((او برسيل بردو بيجيب شبكه )) clown

تدخل على لو يوم ملحقتش تتعشى فى البيت يبقى انسى يامعلم هتبات صايم مفيش دكتور متخصص -- تلجا ليه وقت لما تحصل حاجه لاقدر الله -- تعليم -- المدرسه ساقطه كلها على ما اسمع ان 20 بس هما اللى نجحوا مواصلات لازم كل يوم يطلع عين اهللك وتتطلع لحد السريع وتعدى الطريق وبلاوى سوده

ولا ايه ولا ايه --- ربنا يخرجنا منها على خير
من الاخر كده - --no khadamat -- نو خدمات

اولا احب احيي الاستاذ ياسر على طرحه لمثل هذه المواضيع المهمه والواقعيه بنسبة 100% , بصراحه البلد دي عايزه وقفه

جامده جدا , وانا كلي امل في الشباب والاجيال الجديده , لأن اصحاب القرار في بلدنا من الاخر زي قلتهم ومالهمش عازه ,

وبمناسبة تدني الخدمات في البلد , احكيلكم واقعة حصلتلي , كنت في زياره لأحد الاصدقاء خارج البلد , فدخلت غرفته ووجدت

كل اسباب الراحه والتقدم من كهرباء , ميه سخنه وبارده (الحمام تابع للغرفه ) , مكيف هواء , تليفون شغال , وماادراك ما النت

وسرعته .......الخ , المهم اني لما روحت بلدنا وجدت كل اسباب التعاسه من كهرباء مقطوعه , مافيش ميه , التليفون فاصل

النت فاصل Crying or Very sad

, الجو حر موت ........الخ , ( بجد الموقف ده حصللي ) , والمسؤلين عن البلد كانوا Sleep

بس في النهايه صبرت نفسي وقولت عزائي الوحيد ان اخوانا في الصومال مش بيعانوا لوحدهم..........وعجبي confused

ياعم مش احنا راضيين وساكتين خلاص بقى هنتكلم ليه

» دور المياه المخصص لدندنا