أنا زعلان من رجالة دندنا

أنا زعلان من رجالة دندنا ..؟؟ واحد يقوللي ليه ....أقولك ياأبو الرجال ....

1) وأنا رايح الغيط بتاعنا لاحظت حاجة غريبة معظم الناس الموجودة في الارض ستات ( نسوان يعني ) فين الرجالة ؟؟

اللي راح ايطاليا وبيعد بالسنين مش عارف ينزل علشان الاقامة .. وسايب بيته ومراته وعياله في مهب الريح وهما فرحانين

بالكام ملطوش أصدي اليورو اللي سبع البرمبة بيبعتهم كل كام شهر وتلاق ابنه جاي يسأل عن سعر اليورو وهو منفوخ

زي عجلة العربية المنفوخة علي 68 . جتك خيبة راجل لا الارض نافعة ولا ولادك نافعين ( وربنا يسترها مع مراتك ...طبعا

فاهمين أصدي لاني أعرف بلاوي متلتلة ..ماأقدرش أقولها).

2) مافيش راجل بيشوف ولاده ولا اخواته البنات وهم لابسين الحجاب الموضة اللي بيكشف أكتر مايستر ...من بديهات ملزقة

ولابناطيل محزقة ماتتلبسش الا بصابونة ...واللي بتنسي تلبس .

3) حاجة غريبة كل واحد خاطب واحدة دلوقتي تلاقيه ساحبها في ايده زي البهيمة ورايح جاي بيها .. في فرح ..بيتمشوا ..

بيتهببوا ...يانهار أسود ومنيل بستين نيلة ..ازاي؟ افرض الخطوبة اتفشكلت بعد البيه ماسرح بالهانم لوحدهم ؟

وتلاقيه أكيد معاه صور وهما مع بعض ومسك ايدها و و و و و و و و و و و و و و و و و.....كملوا انتو الباقي بقي .....


وبتقولولي رجالة ...........بلا نيلة .......



ياسر محرز

ولا الرجاله اللى بقت تلبس كعب كوبايه


كعب كوبايه يارجاله--- سيبتوا ايه للبنات(هو ايه كعب الكوبايه اصلا)
ولا التانى اللى لابسللك حظاظه وبظاظه---------والتانى اللى يمشى فى البلد بفانله بحملات

الموضوع يااستاذ ياسر بجد كبير-- ربنا يسترها

ده موضوع الشباب حاجة تانية ولها موضوع لوحده ....أبسط حاجة علي الماشي كدة


البناطيا أم حجر نازل لحد لامؤاخذة الط....واللي مبين الاندر وير أي الكل....مشييها الملابس الداخلية



ياسر محرز

تحيه كبيره لشباب البوكسر .......انا سمعت ان اسعاره نار اليومين دول ...............حسبي الله ونعم الوكيل في الشباب اللي مالوش هويه ولا شخصيه ............وعجبي

اولا لازم احيي الاستاذ ياسر مره اخر علي المواضيع التي يقوم بتفجيرها

والله ياعم ياسر الواحد مش عارف يرد يقول ايه الموضوع اكبر من الكلام فيه

علشان كده انا لازم اقول لا تعليق

احيك يا مستر ابراهيم على الرد بس كنت عاوز ااقول حاجه

ازاى لا تعليق -- المفروض اعضاء المنتدى ده من الناس اللى نقدر نقول عليهم اصحاب فكر واتيحت لهم الدراسه للوصول للمرحله دى(طبعا كل الناس اللى فى البلد ناس محترمه بجد وناس تستحق الاحترام حتى فى ناس اكثر فكر وثقافه من اعضاء المنتدى)
بس مش دى النقطه اللى ااقصدها ااقصد ان احنا هنا فى المنتدى المفروض من الناس ذوى الفكر واحنا بردو من المفروض اللى نحمل المكان ده والبلددى للنور والتطوير قدر ما استطعنا واحنا بردو اللى لازم نرد ونعلق ونتكلم على كل حاجه غلط ومش صح واحنا بردو لازم ندور لها على اسبابها ونحاول قدر الامكان من ايجاد حلول لها-- ....(طبعا ااقصد باحنا اعضاء المنتدى الكرام وكل من يساندنا برايه وفكره) .....

وفى الاخر احب ااقول ان مينفعش نحط راسنا فى الرمل زى النعام ونقول ملناش دعوه --- لا تعليق -- احنا مالنا وكل الكلام اللذيذ ده ..... بمعنى لازم لنا من وقفه؟؟؟؟؟؟!!!!!!!!

تحياتى استاذ ياسر ع الموضوع الجامد قوى ده . . بجد تستحق وسام من المنتدى

البوكسرات غاليه ب25 والبنطلون 120 ده التركى او التيلندى اما الكوباية فدى بجنيه من اى قهوة بس المشكلة مش فى الشباب المشكلة بس فى الناس الى مش عجبها وساكتة الى مش عجبه يرلفع ايده

انا اعرف هذا الشخص واسمه...............ولا بلاش 00000 ربنا امر بالستر