أنا هأكلمكم بالبلدي :
السباخ البلدي مفيد جدا للارض ولكن للأسف يتم تخزينه غلط ازاي ... أقولك ...عندنا اخوالنا الفلاحين بيحطوا السباخ علي
راس الغيط في الشمس مدة طويلة في الشمس لحين استخدامه وده أكبر غلط لان السباخ فيه نشادر اللي هو الامونيا
وده بيطير في الشمس وده معناه ان سيادتك بتسبخ بتراب . طيب واحد فركوك بيفهم يقوللي نعمل ايه يامعلم ؟ أقولك :
لازم السباخ يتخزن تحت مكان ضلة .. مظلل يعني ...يعني تحت عريشة ويتغطي بقش ويبلل بالماء وهكذا ....
المصيبة ان اخوانا بتوع الجمعية الزراعية نايمين في الذرة ولاهم هنا وأشك انهم يعرفوا ..
انتظروا موضوع عن الري المهبب الي كلنا بنتبعه في الري ....هو ده اللي مودي الزراعة في داهية ....
ياسر محرز